Ինչպես մենք ճիշտ էինք Սիրիայում՝ պատմությունը կհաստատի մեր իրավացիությունը Գազայի ճգնաժամի հարցում. Էրդողան

Թուրքիայի նախագահ Ռեջեփ Թայիփ Էրդողանի ելույթից հատվածներ.

Ինչպես մենք ճիշտ էինք Սիրիայում՝ չնայած բոլոր քննադատություններին, պատմությունը կհաստատի մեր իրավացիությունը Գազայի ճգնաժամի հարցում և կտեսնի, որ Թուրքիայի վերաբերմունքը հօգուտ արդարության է։

Մենք հուսով ենք, որ ազատության և արդարության արևը, որը ծագել է Սիրիայում 2024 թվականի վերջին շաբաթներին, կծագի նաև Գազայի երկնքում 2025 թվականին։

«Մեր տնտեսությունը  անընդհատ աճում է»։

Կարդացեք նաև

Թուրքիայում ազատազրկման է ենթարկվել 16-ամյա քաղաքացին, հայհոյանքներ էր հնչեցրել Թուրքիայի նախագահական ավտոշարասյան ուղղությամբ

• 18:46 27.12.2024

Սոցիալական ցանցում Ռեջեփ Թայիփ Էրդողանին վիրավորելու համար Թուրքիայի քաղաքացին ձերբակալվել է

• 17:00 26.12.2024

Թուրքիան պաշտոնապես վիճարկում է «Ադրբեջանի հաղթանակի մենաշնորհը» Արցախյան 44-օրյա պատերազմում. «Գեղարդ»

• 14:04 26.12.2024

Մենք ակնկալում ենք, որ մեր մեկ շնչին բաժին ընկնող եկամուտը, որը 2023 թվականին կազմել է 13 հազար 243 դոլար, 2024 թվականին գերազանցել է 15 հազար դոլարը, իսկ 2025 թվականին կգերազանցի 17 հազար դոլարը։

Մենք նպատակ ունենք 2025 թվականի համար հասնել 4 տոկոս աճին՝ զուտ արտահանման և հիմնական կապիտալի ներդրումների աջակցությամբ։

2024 թվականի ապրանքների գների նվազման տվյալները հաստատեցին մեր կողմից իրականացվող քաղաքականության ճշգրտությունը։

2024 թվականի դեկտեմբերին մեր արտահանումն աճել է 2,2 տոկոսով և հասել 23,5 միլիարդ դոլարի։ Այսպիսով, մենք գերազանցեցինք դեկտեմբեր ամսվա արտահանման ռեկորդը։

Մեր ապրանքների արտահանումը 2024 թվականին 2023 թվականի համեմատ աճել է 2,5 տոկոսով՝ հասնելով 262 միլիարդ դոլարի։

Մենք կրճատել ենք արտաքին առևտրի դեֆիցիտը, որը 2023 թվականին կազմում էր 106,3 միլիարդ դոլար, իսկ 2024 թվականին՝ 82,2 միլիարդ դոլար։

«Թուրքիան այսօր» լրատվական ալիք |