Մոսկվա-Երևան չվերթը սպասարկող «Հայկական ավիաուղիներ» ընկերության օդանավում քաղաքացու մահվան դեպքի առթիվ նախաձեռնվել է քրեական վարույթ։ Այս մասին NEWS.am–ին հայտնել է ՀՀ քննչական կոմիտեի մամուլի խոսնակ Կիմա Ավդալյանը։
Քննչական կոմիտեից հայտնել են նաև, որ մահացած քաղաքացու մարմնի վրա բռնության հետքեր չեն հայտնաբերվել։ Տղամարդը երկքաղաքացի էր։
«Հայկական ավիաուղիներ» ընկերությունից «Փաստինֆո»-ի հետ զրույցում նշել են՝ մահացածը միջին տարիքի` մոտ 50 տարեկան տղամարդ է, նրա ինքնազգացողությունը վատացել էր:
Տղամարդուն դեռևս օդանավում տևական ժամանակ առաջին բուժօգնություն է ցուցաբերվել, այդ թվում` ուղևոր երկու բժիշկների կողմից: Ընկերության մամուլի խոսնակ Դիանա Կարապետյանի փոխանցմամբ` օդանավի վայրէջքից հետո շտապօգնության երկու բրիգադ է մոտեցել բուժօգնության համար, ցավոք, քաղաքացու կյանքը փրկել չի հաջողվել։
