Օպերատիվ իրավիճակը հանրապետությունում դեկտեմբերի 30-ից հունվարի 3-ը
Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 30-ից հունվարի 3-ը ՆԳՆ ոստիկանության ստորաբաժանումները բացահայտել են հանցագործության 197 դեպք:
Մասնավորապես՝ թմրանյութի հայտնաբերման՝ 32, խարդախության՝ 28, թմրամիջոցների և հոգեմետ նյութերի մաքսանենգության՝ 21, մարմնական վնասվածք պատճառելու և ֆիզիկական ներգործության՝ 20-ական, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 19, հոգեկան ներգործության՝ 16, խուլիգանության՝ 14, անձնական ունեցվածքի գողության` 11, գույքը ոչնչացնելու կամ վնասելու՝ 6, պետական սահմանն ապօրինի հատելու՝ 4, թմրանյութի իրացման, աշխատանքի պաշտպանության կանոնները խախտելու և անվտանգության պահանջներին չհամապատասխանող աշխատանքների կատարման՝ 3-ական, կաշառակերության, պաշտոնեական լիազորությունների չարաշահման, կեղծ փաստաթղթի, սառը զենքի հայտնաբերման, անձի տիրապետությունից դուրս եկած գույքին տիրանալու և ինքնիրավչության՝ 2-ական, ավազակության, բնակարանային գողության, վստահված գույքի հափշտակման, համակարգչային հափշտակության, շորթման, կենդանիների նկատմամբ դաժան վերաբերմունքի, պաշտոնատար անձի ծառայողական գործունեությանը միջամտելու, զենք-զինամթերքի առգրավման, ջրային կենդանիների ապօրինի արդյունահանման, հարբած, տասնվեց տարին չլրացած անձին տրանսպորտային միջոցները հանձնելու, հողը փչացնելու և ընդերքի պահպանման կամ օգտագործման պահանջները խախտելու, դատական ակտը չկատարելու, երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու, անձի տիրապետությունից դուրս եկած գույքին տիրանալու, սպանության փորձի, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու և ինքնասպանության հակելու՝ 1-ական դեպք։
Հայտնաբերվել է 17 հետախուզվող, կամավոր ներկայացել՝ 6-ը։
Կարդացեք նաև
Հայտնաբերվել է 1 անհետ կորած։
Անցած 4 օրվա ընթացքում հանրապետությունում արձանագրվել է ճանապարհատրանսպորտային 35 պատահար․ 56 անձ ստացել է տարբեր աստիճանի մարմնական վնասվածքներ։
ՀՀ ՆԳՆ ոստիկանություն
