Բրիտանական The Sun պարբերականի փոխանցմամբ՝ Մոսկվայում փորձել են թունավորել Սիրիայի նախկին նախագահ Բաշար Ասադին: Հաղորդվում է, որ նա ծանր վիճակում է, բայց ողջ է:
«Դեռ պարզ չէ՝ արդյոք տեղի ունեցածը քաղաքական հանցագործություն է, թե ընտանեկան կոնֆլիկտի արդյունք՝ հաշվի առնելով, որ նրա կինը փորձել է ամուսնալուծվել և մեկնել Լոնդոն, սակայն Ասադը դեմ է եղել դրան»,- գրում է պարբերականը:
Հաղորդվում է նաեւ, որ հավանական թույնը, որի միջոցով փորձել են թունավորել նախկին նախագահին, դեռեւս չի բացահայտվել: Հայտնի է միայն, որ Ասադի մոտ նկատվել է դժվարաշնչություն, գիտակցության կորուստ:
Առայժմ նախկին նախագահի հավանական մահափորձի վերաբերյալ տարբեր վարկածներ են շրջանառվում՝ քաղաքական հակառակորդներից մինչև ընտանեկան դրդապատճառներ։
