«Հենակետ». Թուրքական Otokar ընկերության գլխավոր տնօրեն Իբրահիմ Այքութ Օզյուները հայտնել է, որ համաձայն պայմանագրային գրաֆիկի՝ սկսվել են ARMA 6×6 զրահափոխադրիչների մատակարարումները Էստոնիայի բանակին, որոնք կշարունակվեն 2025 թվականին։
Էստոնիան 2023 թվականի հոկտեմբերին Otokar-ի հետ ստորագրել է 130 միլիոն եվրո արժողությամբ պայմանագիր՝ ձեռք բերելու համար, ինչպես համարվում է, 130 միավոր ARMA 6×6 զրահափոխադրիչ (լուսանկարում) և դարձել ARMA շարքի ԲՏՌ-ների երրորդ հայտնի պատվիրատուն՝ Բահրեյնից և ԱՄԷ-ից հետո։
Միևնույն ժամանակ, Էստոնիան պայմանագիր է ստորագրել նաև մեկ այլ թուրքական ընկերության՝ Nurol Makina-ի հետ՝ 70 միլիոն եվրո արժողությամբ 104 թեթև զրահապատ մեքենաներ NMS (4×4) ձեռք բերելու համար։
