«Ազատություն». Ռուսաստանն ու Ուկրաինան երկուշաբթի օրը ռազմագերիների հերթական փոխանակումն են իրականացրել։ Կողմերից յուրաքանչյուրը վերադարձրել է 150 քաղաքացիների։
Փոխանակման շուրջ բանակցությունները տեղի են ունեցել Արաբական Միացյալ Էմիրությունների միջնորդությամբ։ ՌԴ պաշտպանության նախարարությունը հայտարարել է, որ Բելառուսի տարածք է տեղափոխվել 150 ռուս զինվորական։
Ռուսաստանն ու Ուկրաինան պարբերաբար փոխանակում են ռազմագերիներին։ Լայնամասշտաբ պատերազմի սկզբից ի վեր արդեն տեղի է ունեցել 59 նման փոխանակում։
Նոյեմբերի 27-ին ՌԴ ԱԳՆ-ն հայտարարել է պատերազմի սկզբից ի վեր ամենամեծ գերիների փոխանակումն իրականացնելու պատրաստակամության մասին՝ «630 630-ի դիմաց» բանաձևով։ Ուկրաինական կողմը դեռ չի մեկնաբանել այս նախաձեռնությունը։ Հունիսին ՌԴ նախագահ Վլադիմիր Պուտինը հայտարարեց, որ Ուկրաինայում գերության մեջ է գտնվում 1348 ռուսաստանցի, իսկ Ռուսաստանում՝ 6465 ուկրաինացի։ Օգոստոսին ուկրաինական զինված ուժերի՝ Կուրսկի շրջանի տարածք ներխուժման արդյունքում, հարյուրավոր ռուս զինվորներ, հիմնականում ժամկետային զինծառայողներ, գերեվարվել են Ուկրաինայի զինված ուժերի կողմից։
Կարդացեք նաև
