Այսօր առավոտյան Արտաշատ-Երևան մայրուղու վրա խոշոր ավտովթար է տեղի ունեցել։ Խիտ մառախուղի պատճառով բազմաթիվ մեքենաներ են բախվել:
Ավելի ուշ Ներքին գործերի նախարարի մամուլի խոսնակ Նարեկ Սարգսյանը տեղեկություն հրապարակեց, որ «դեկտեմբերի 29-ին, ժամը 8-ի սահմաններում, Երևան-Երասխ ճանապարհին՝ Մասիս-Մարմարաշեն հատվածում տեղի է ունեցել շղթայական ավտովթար։
Ըստ նախնական տեղեկության՝ եղանակային վատ պայմանների և ցածր տեսանելիության պատճառով բախվել են շուրջ 3 տասնյակ տրանսպորտային միջոցներ։ Կա մեկ զոհ և տուժածներ։
ՆԳՆ Փրկարար ծառայության և Ոստիկանության ծառայողները տեղում իրականացնում են ծառայություն։ Մեքենաների մեծ մասն արդեն դուրս է բերվել վթարի վայրից և ճանապարհն այս պահին երթևեկելի է։
Հարգելի՛ վարորդներ, անվտանգության նկատառումներից ելնելով՝ հորդորում ենք երթևեկել բացառապես ձմեռային անվադողերով, լինել առավել զգոն՝ խստագույնս պահպանելով ճանապարհային երթևեկության կանոնները»:
Կարդացեք նաև
Նելլի ԳՐԻԳՈՐՅԱՆ
