Բլոգեր Արթուր Չախոյանը ֆեյսբուքյան իր էջում գրում է.
«Վիտալի Բալասանյանի կողմից Տորք Անգեղ այգում հողազավթման դեպքի վերաբերյալ հոկտեմբերի 11-ին «դոլլարներով» խաղաղ ակցիա էի անցկացրել Երևանի քաղաքապետարանի գլխավոր մուտքի մոտ՝ այդպիսով արտահայտելով իմ բողոքի խոսքը:
Երևանի քաղաքապետարանի բնականոն աշխատանքը չեմ խոչընդոտել: «Դոլլարներով» ակցիան բացառապես ուղղված էր նրան, որ Երևանի քաղաքապետարանի իրավասու որևէ պաշտոնյա դուրս գար և բացատրություն տար վերոնշյալ դեպքի վերաբերյալ:
Բայց փոխարենը ոստիկանության աշխատակիցը օրենքի կապիտ խախտումներով ինձ վրացական համարանիշներով ավտոմեքենայով «ձերբակալեց» առևանգեց և որոշում են կայացրել 172.2-րդ հոդվածի հատկանիշներով ինձ վարչական պատասխանատվության ենթարկել 20.000 դրամ տուգանքով։
Կարդացեք նաև
Շատ լավ հասկանալով, որ ինձ անօրինական են ենթարկում վարչական պատասխանատվության, քանի որ իմ գործողությունները առհասարակ ոչ մի կապ չունի 172.2-րդ հոդվածի հետ, ինչի համար էլ որոշեցի բողոքարկել, սակայն բողոքը մերժեցին։
Բոլորն էլ հասկանում են, որ հարցը 20.000 դրամը չէ, ես դա կվճարեմ:
Հարցը նրանում է, որ երկրում օրենք չի գործում, այլ վերևներից արձակած հրամաններով է օրենքը գործում»։
