ՔՊ նախկին պատգամավոր, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
«…Տուժածները, որոնք Ռուսաստանի քաղաքացիներ են, նաև հայտնել են, որ Գրոզնիի երկնքում պայթյուններ են լսել 3 անգամ: Նրանց խոսքով՝ պայթյունի ձայները գալիս էին դրսից, իսկ հետո ինչ-որ բան դիպավ ինքնաթիռին… Վթարի առաջին իսկ պահից մամուլում գրվել է, որ ինքնաթիռ են մխրճվել թռչուններ։ Բայց նախնական եզրակացությունը, որին եկել են փորձագետները, այն է, որ այստեղ արտաքին միջամտություն է եղել: Բայց թե ինչ զենք է կիրառվել, կորոշի հետաքննությունը։ Այնուամենայնիվ, եթե նայեք ինքնաթիռի թռիչքի հետագծին, ապա պարզ է դառնում, որ այն վերցրել է Մախաչկալայի վրայով թռիչքի ուղղությունը դեպի Ակտաու։ Արդեն այստեղ կորոշվի՝ ինքնաթիռին վայրէջքի թույլտվություն տրվել է, թե ոչ ՝ հետաքննության արդյունքներով։ Բացի այդ, հետաքննությունը նաև կորոշի, թե ինչ նպատակով է օդաչուն վթարային վայրէջք կատարել…»,-այս մասին այսօր հայտնել է Ադրբեջանի Թվային զարգացման ու տրանսպորտի նախարար Ռաշադ Նաբիեւը։
Սա Ադրբեջանից եկող առաջին պաշտոնական արձագանքն է։ Մինչ դա տեղեկատվական հոսքերով ու պատգամավորների մակարդակով ուղիղ մեղադրում էին ռուսական կողմին։ Պեսկովի արձագանքներից հետո արդեն սկսել են ավելի զգուշավոր խոսել, իմ տպավորությամբ։
