ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումից տեղեկանում ենք. «Ռուսական կողմը չի ընդունում ադրբեջանական կողմի մեղադրանքը։ Ադրբեջանցի պատգամավորներից մեկն էլ երեկ իր հարցազրույցում պահանջել էր, որպեսզի ռուսական կողմը ներողություն խնդրի։
Այդ ամենին ի պատասխան՝ Կրեմլի խոսնակ Դմիտրի Պեսկովը վերահաստատել է այսօր իր նախորդ հայտարարությունը, որ պետք է սպասել վերջնական եզրակացության»։
Հիշեցնենք՝ Ադրբեջանական կառավարության աղբյուրները Euronews-ին հաստատել են, որ Ակտաուում ադրբեջանական ավիաուղիների ինքնաթիռի կործանումը տեղի է ունեցել ռուսական զենիթային հրթիռի պատճառով։
Ըստ այդ աղբյուրների՝ հրթիռը արձակվել է 8432 չվերթի ուղղությամբ Գրոզնիի վրայով անօդաչու թռչող սարքի գործունեության ժամանակ, և դրա բեկորները հարվածել են ուղևորներին և անձնակազմին՝ պայթելով օդանավի մոտ՝ օդում։
Կարդացեք նաև
Կառավարության աղբյուրները նաև հայտնել են, որ խոցված ինքնաթիռին թույլ չեն տվել վայրէջք կատարել Ռուսաստանի օդանավակայաններում՝ չնայած օդաչուների կողմից արտակարգ վայրէջք կատարելու խնդրանքին: Փոխարենը անձնակազմին հանձնարարվել է թռչել Կասպից ծովով դեպի Ղազախստանի Ակտաու։
