Նիկոլ Փաշինյանի ակտիվությունը սոցցանցերում շատերը համարում են նախընտրական արշավ, արդյոք Փաշինյանը կգնա՞ արտահերթ ընտրության՝ այս հարցին ամփոփիչ ասուլիսի ժամանակ Սրբազան շարժման առաջնորդ Բագրատ արքեպիսկոպոս Գալստանյանն այսպես արձագանքեց. «Թող փորձի, էդքան բան… Ինքը պետք է գնա ուրիշ տեղ, ոչ թե ընտրության, բայց թող փորձի: Երկրորդ պարագան. այդ ամբողջը ես չէի համարի նախընտրական ակտիվություն, այլ կհամարեի նախերգանք մեծ սպառնալիքների, շեղելու հանրության ուշադրությունը հիմնական խնդիրներից, որոնք դարձյալ իր հարուցածներն են եւ սպառնում են մեզ առաջիկայում»:
Բագրատ Սրբազանի խոսքով. «Այդպիսով ուղղակի թմրեցնում են, բթացնում ամենատարաբնույթ անհասկանալի թեմաներով եւ նյութերով, զբաղեցնում են մարդկանց՝ ընդհուպ մինչեւ իրենց ընտանեկան կյանքը, եթե դա կարող ենք սահմանել որպես ընտանիք… Ես հիացած եմ, որ Մովսես Խորենացու գիրքը կարող են իրենց ձեռքերում ման գալ…Հայտնագործություն է եղել Մովսես Խորենացին իրենց համար երեւի մեր շատ ասելուց հետո… Մյուս պարագան էլ այն անհասկանալի «շորթերն» ու «ռիլզերն» են, կորոնավիրուսի թեստի սպասումներ… Այս թատրոնը սոսկ իրենց գոյություն է տալիս, իսկ մեզ էլ փորձում է շեղել»:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
