«Թե ինչ ունենք այսօր, բոլորիդ է հայտնի. բոլոր առումներով տապալված սահմանադրական կարգ, թշնամու բոլոր պահանջներն իրականացնող չիշխանություն, պարտադրված սահմանազատում, խաղաղության կեղծ օրակարգ, սպասվող հայրենահանձնումներ, ադրբեջանցիների չակերտավոր վերադարձի պահանջ, Սահմանադրության փոփոխության պահանջ, ԵԱՀԿ Մինսկի խմբի լուծարման պահանջ, անվտանգային բազմաթիվ սպառնալիքներ, պատանդառված ռազմագերիներ, գերի պահվող ռազմագերիներ, հանրային քաոս, ատելության եւ թշնամանքի սերմանում, սոցիալական անարդարություն, թմրամոլության եւ խաղամոլության տարածում, փողի եւ իշխանության պաշտամունք»,-ամփոփիչ ասուլիսի ժամանակ նշեց Սրբազան շարժման առաջնորդ Բագրատ արքեպիսկոպոս Գալստանյանը՝ խոսելով մեր ներկայի եւ հեռանկարի մասին:
«Զանազան անհաջողությունների եւ վերջնարդյունքին չհասնելու պատասխանատվությունն ամբողջությամբ իմն է, իսկ հաջողությունն ու հաղթանակը իմ համբուրելի ժողովրդինը: Ես խոնարհաբար վերստին ներողություն եմ խնդրում յուրաքանչյուրից, որ այս պահին հնարավոր չեղավ իրագործել մեր ծրագիրը»,-հավելեց սրբազանը: Միաժամանակ նշեց. «Անհրաժեշտություն է այս չարիքը հեռացնելը»:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
