Aravot.am-ի տեղեկություններով, երեկ երեկոյան կալանավորել են Աբովյանի նախկին քաղաքապետ, Ջրային կոմիտեի նախկին նախագահ Վահագն Գեւորգյանին: Ըստ նույն աղբյուրի, պատճառը կոռուպցիոն գործողություններն են:
Ջրային կոմիտեի հանրային կապերի համակարգող Անուշ Մարտիրոսյանն Aravot.am-ի հարցմանն ի պատասխան՝ ասաց, որ կոմիտեում որեւէ տեղեկություն չունեն, հետեւաբար չեն կարող մեկնաբանել:
Հիշեցնենք, որ Վահագն Գեւորգյանը դեկտեմբերի 20-ին ազատվել էր զբաղեցրած պաշտոնից:
Մանրամասները՝ առաջիկայում:
Կարդացեք նաև
Գոհար ՀԱԿՈԲՅԱՆ
Հ. Գ. Հակակոռուպցիոն կոմիտեից ԶԼՄ-ներին հայտնել են, որ քննվող քրեական վարույթի շրջանակում ջրային կոմիտեի նախկին նախագահն ունի մեղադրյալի կարգավիճակ, նրա նկատմամբ որպես խափանման միջոց կիրառվել է երկամսյա տնային կալանքը. «Վարույթի շրջանակներում կան մեղադրյալի կարգավիճակ ունեցող այլ անձինք»:
