«Հանուն ազատության» իրավական հասարարական կազմակերպության նախաձեռնությամբ, ՀՀ արդարադատության նախարարության և ՀՀ ԱՆ քրեակատարողական ծառայության աջակցությամբ ՀՀ ԱՆ «Աբովյան» քրեակատարողական հիմնարկում դեկտեմբերի 25-ին կայացել է ժողովրդական երգերի համերգ, որին ներկա է եղել ՀՀ վարչապետի տիկին Աննա Հակոբյանը:
Տոնական միջոցառմանը ներկա էին նաև ՀՀ արդարադատության նախարար Սրբուհի Գալյանը, Քրեակատարողական ծառայության պետի պարտականությունները կատարող Սահակ Գրիգորյանը:
«Հանուն ազատության» իրավական հասարակական կազմակերպությունը Հանրապետության տարբեր ՔԿՀ-ներում կազմակերպում է մշակութային և սոցիալական միջոցառումներ: Այս անգամ հերթը «Աբովյան» ՔԿՀ-ինն էր: Նախատոնական միջոցառումների շարքը մեկնարկել է «Արմավիր» ՔԿՀ-ում՝ դեկտեմբերի 24-ին, իսկ դեկտեմբերի 26-ին կանցկացվի նաև «Գորիս» ՔԿՀ-ում:
Կարդացեք նաև
«Մենք ինքներս ձեր այստեղ գտնվելուն վերաբերվում ենք որպես ժամանակավոր երևույթ, կարծում եմ այստեղ գտնվելու ժամանակահատվածը պետք է օգտագործենք միասին վերաիմաստավորելու մեր բոլորի կյանքը, արժեհամակարգը, ինչպես նաև պետք է միտված լինենք մասնակցելու վերասոցիալականացման հնարավոր ծրագրերին, ինչը կանաչ քարտ է դեպի ազատության ճանապարհ»,- բացման խոսքում ընդգծել է Արդարադատության նախարար Սրբուհի Գալյանը:
Նախարարը վստահեցրել է, որ առաջիկայում ավելի շատ վերասոցիալականացման ծրագրեր կնախատեսվեն, շարունակաբար կլավարկվեն պատժի կրման պայմանները, հույսով, որ ապագայում քրեակատարողական հիմնարկների կարիք մեր երկրում չի լինի:
Համերգային ծրագրի ընթացքում ելույթ են ունեցել Լեյլա Սարիբեկյանը, Նարեկ Պողոսյանը, Սամսոն Պանյանը, Արսեն Զաքարյանը, Դավիթ Հայրոյանը և Դավիթ Մելքոնյանը:
Միջոցառման ավատին վարչապետի տիկինը կարճ շփում է ունեցել դատապարտյալների հետ: Աննա Հակոբյանն առաջարկել է առաջիկայում հանդիպում կազմակերպել, քննարկել հարցերի ավելի լայն շրջանակ, որին դատապարտյալները ոգևորությամբ համաձայնել են:
Աննա Հակոբյանը ծանոթացել է նաև կրթական դասընթացների մասնակցած դատապարտյալների ձեռքի աշխատանքներին: Այս տարվա ընթացքում «Աբովյան» ՔԿՀ-ում նման դասընթացների մասնակցել է 20 դատապարտյալ:
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
