Համայնքային ոստիկանության գլխավոր վարչության տարածքային ստորաբաժանումների ծառայողներն ամենօրյա ակտիվ բացատրական աշխատանք են իրականացնում ապօրինի պահվող զենք-զինամթերքի կամավոր հանձնման ուղղությամբ։
Արդյունավետ էր հատկապես Համայնքային ոստիկանության Արմավիրի և Վաղարշապատի բաժինների ծառայողների բացատրական աշխատանքը. արձանագրվել է «Կալաշնիկովի» ինքնաձիգեր, թմբուկավոր ատրճանակներ, որսորդական հրացաններ և ռազմամթերք կամավոր հանձնելու դեպքեր։
Դրական արդյունք են գրանցել նաև Կումայրիի բաժնի ծառայողները. արձանագրվել է թմբուկավոր ատրճանակ, ինքնաձիգ և ռազմամթերք կամավոր հանձնելու դեպք։
Ինքնաշեն ատրճանակ, հրացան և ռազմամթերք կամավոր հանձնելու դեպք է գրանցվել նաև Համայնքային ոստիկանության Վարդենիսի բաժնում։
Բացատրական աշխատանք են իրականացրել նաև Տավուշի ոստիկանները, ինչի արդյունքում Մովսես բնակավայրի մի բնակիչ բաժին է ներկայացրել հրացան և ռազմամթերք։
Կարդացեք նաև
Համայնքային ոստիկանության Տավուշի բաժնի ծառայողների իրականացրած միջոցառումների շնորհիվ արձանագրվել է նաև որսորդական հրացաններ, ատրճանակներ և ռազմամթերք կամավոր հանձնելու դեպք։
Կրկին հորդորում ենք կամավոր հանձնել ապօրինի պահվող զենք-զինամթերքը: Հիշեցնենք՝ նման դեպքերում անձն ազատվում է քրեական պատասխանատվությունից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ ՀԱՆՐԱՅԻՆ ՀԱՂՈՐԴԱԿՑՈՒԹՅԱՆ ԵՎ ԻՐԱԶԵԿՄԱՆ ՎԱՐՉՈՒԹՅՈՒՆ
