Ավագանու անկախ անդամ Գրիգոր Հարությունյանը տեղեկացրել է, որ վայր է դնում մանդատը։
«Արդեն տեւական ժամանակ է, ինչ ես որոշել էի հրաժարվել իմ ավագանու մանդատից, որը ձեռք էր բերվել 2023 թ. Երևան քաղաքի ՏԻՄ ընտրությունների ժամանակ։ Այսօր ահա հասունացավ այդ պահը, եվ որոշումս դարձավ վերջնական։ Նշեմ, որ մանդատս ձեռք եմ բերել «Հանրային Ձայն» կուսակցության ցուցակով, այդ ժամանակ, կուսակցության պատվավոր նախագահ Վարդան Ղուկասյանի հրավերով։
Վերջին ամիսներին մոտ 5-6 գործել եմ բացառապես անկախ, չի եղել որևէ քաղաքական կամ անձնական ճնշումներ իմ գործունեության և քվորումների վրա: Ցանկանում եմ շնորհակալությունս հայտնել Վարդան Ղուկասյանին, վստահության և նախընտրական ցուցակ հրավիրելու համար և բոլոր այն մարդկանց, ում հետ այս մեկ տարին աշխատել ու համագործակցել եմ։ Կշարունակեմ արդյոք հետագա քաղաքական գործունեությունս, թե ոչ, դրա մասին կհայտարարվի ապագայում, իսկ այսքանով ցանկանում եմ բոլորին մաղթել ամենայն լավն ու բարին, և թող յուրաքանչյուրը ծառայի ու արարի հանուն իր երկրի, հանուն իր քաղաքացու եվ հանուն ապագայի հզոր հայրենիքի։ Պատճառը անձնական է, և կապված է իմ ընտանիքի հետ, որի համար այս փուլում բացատրություններ չեմ տա»։
