ՔՊ նախկին պատգամավոր, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
«Նախկինների» մասին ձայնասկավառակը Փաշինյանն անվերջ պտտացնելու է։ Հանկարծ կրկին որոշեց անդրադառնալ ԼՂ նախկին բանակցային գործընթացին, ստել ու հետո ստի մասին քննարկում գեներացնել։
Ըստ իս՝ ցանկացած սուտ արագորեն բացահայտվում է պարզ տրամաբանական հարցի միջոցով։ Եթե 1994 թվականից ի վեր բոլոր լուծման տարբերակներով Արցախը պետք է լիներ Ադրբեջանի կազմում, ապա ինչու ո՛չ հայր, եւ ո՛չ էլ որդի Ալիեւները չգնացին խաղաղ լուծման, մերժեցին Քի Վեսթը, Կազանը, այլ տարբերակներ, չէին ուզո՞ւմ Արցախը լիներ Ադրբեջանի կազմում… Իսկ որ Ադրբեջանն է խաղաղ կարգավորումը մերժել, դա Ալիեւն ուղիղ ասել է։ Պետք չէ անգամ մտնել մանրամասների մեջ հասկանալու համար, որ Փաշինյանը ստում է բանակցային գործընթացի մասին։
Այստեղ այլ հարց է, թե այդ ինչ «նեղն» է ընկել, որ հիշել է իր սիրելի «նախկիններին», միգուցե պարզապես հասկացել է, որ «խեղճիզմի» քաղաքականությամբ ու միակողմանի զիջումների միջոցով «խաղաղության պայմանագիր» չի ստանալու Ալիեւից ու այդ պահին կրկին դարակից հանել է «նախկինների» հին ու բարի ձայնասկավառակը…
