«Ամենաճշգրիտ գնահատականը փաստացի հավաքագրումն է, եթե մենք 2 անգամ ավել գումար ենք հավաքագրել, դա նշանակում է, որ միջինում 2 անգամ ավել են քաղաքացիները սկսել վճարել կարմիր գծերի համար, եւ 160 հազար դրամ տարիֆից իրականում շատ քիչ մարդ է օգտվել»,-ճեպազրույցում ասաց Երեւանի փոխքաղաքապետ Լեւոն Հովհաննիսյանը՝ պատասխանելով լրագրողների հարցերին:
Ինչ վերաբերվում է տրանսպորտին, այդ մասին էլ նշեց. «Մինչեւ փետրվարի 1-ը դեռ մնում են հին սակագները, արտոնյալ խմբերի մասով դեռ աշխատանք կա, որը շարունակվում է: Կան խմբեր, ում համար տրանսպորտից օգտվելը մեր կանխատեսումներով կամ մնալու է նույն սակագնով, կամ ավելի մատչելի է դառնալու»,-ասաց փոխքաղաքապետը:
Նա աղբահանության վերաբերյալ հարցին էլ պատասխանեց. «Կան տարբեր մոտեցումներ. օրինակ, մեզ մոտ աղբահանության վճարը գանձվում էր մարդկանց բնակարանում փաստացի ապրելով, եւ այդ տվյալները տալիս էին համատիրությունները, ու ճշգրտության մասով երբեմն խնդիր էր լինում: Կան քաղաքներ,որտեղ գանձում են ըստ անձնագրային տվյալների, նայում են՝ քանի հոգի է գրանցված: Մենք որոշել ենք անցնել այս սանդղակին, որն ավելի ճիշտ է եւ ավելի ռացիոնալ»:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
