«Ինձ անհանգստացնում է ՀՀ իշխանությունների կրավորական կեցվածքը, նաև այն քարոզչական արձագանքը իշխանության կողմից, որը բերվում է այդ մարդկանց նկատմամբ»,-ֆեյսբուքյան ուղիղ եթերում անդրադառնալով Բաքվում պահվող հայ ռազմագերիներին՝ մասնավորապես Արցախի ռազմաքաղաքական ղեկավարությանը և թե ինչպես են ՀՀ իշխանություններն այս հարցին վերաբերվում, այսպիսի կարծիք հայտնեց «Արդար Հայաստան» կուսակցության նախագահ, փաստաբան Նորայր Նորիկյանը։
Փաստաբանը, հղում կատարելով ՀՀ Սահմանադրության 47-րդ հոդվածին, ասաց․ «Համաձայն այդ հոդվածի՝ ՀՀ քաղաքացիները միջազգային իրավունքի նորմերի համաձայն՝ գտնվում են ՀՀ պաշտպանության ներքո՝ անկախ նրանից, թե որտեղ են գտնվում։ ՀՀ իշխանությունը պարտավոր է ձեռնարկել քայլեր իր քաղաքացիներին պաշտպանելու խնդիրը կարգավորելու համար»։
Նա հիշեցրեց, ՀՀ այս իշխանություններն առնվազն Բակո Սահակյանի ու Արայիկ Հարությունյանի հետ ջերմ հարաբերություններ են ունեցել․ «Շուշիում պարում էին։ Եթե Արայիկ Հարությունյանը թալանչի է, հարգելի նիկոլականներ, ձեր թեկնածուն է եղել 2020-ի նախագահական ընտրություններին, դուք եք ամեն ինչ արել նրան իշխանության բերելու և պահելու համար։ Ալիևը դատում է այդ մարդկանց․ դա մեր երեսուն տարվա կյանքն ու պայքարն է եղել, 30 տարվա գործունեությունն է եղել՝ լավ, թե՝ վատ։ 30 տարվա ընթացքում շատ սխալներ են եղել, բայց հիմա թույլ տանք, որ Ալիևը թքի՞ մեր 30-ամյա պատմության վրա»։
Կարդացեք նաև
Տաթև ՀԱՐՈՒԹՅՈՒՆՅԱՆ
