ՀՀ Գլխավոր դատախազության պետական շահերի պաշտպանության վարչությունը երկու տարի առաջ դատական գործընթաց սկսեց Սամվել Մայրապետյանի, Գագիկ Հակոբջանյանի դեմ:
Դատախազությունը հայցով մտավ դատարան, պահանջելով նրանցից համապարտության կարգով բռնագանձել 5 մլրդ 689 մլն 764 հազար դրամ, որպես պետությանը հասցված վնաս:
Հիշեցնեմ, որ Գագիկ Հակոբջանյանը եղել է Հ2 հեռուստաընկերության սեփականատեր, գործարար Մայրապետյանին պատկանող «Գլոբուս» ՍՊ ընկերության տնօրենը: Հակակոռուպցիոն վերաքննիչ դատարանը բեկանել է այս տարվա ապրիլի 5-ին կայացրած վճիռը, որով պետք է բռնագանձում կատարվեր «հօգուտ» պետության 4 միլիարդ դրամ: «Իրավագիտության հետ աղերս չունեցող» վճռի կապակցությամբ էլ Մայրապետյանը հանդես էր եկել հայտարարությամբ, մասնավորապես շեշտելով. «Ես միշտ գիտակցել եմ, որ Հայաստանի ներկայիս իշխանությունները ինձ չեն ներում այն բանի համար, որ ինձնից չստացան իրենց կողմից ակնկալվող սուտ ցուցմունքները, եւ որ ես, ընտանիքիս անդամները ենթարկվելու ենք բոլոր տեսակի հնարավոր ճշումներին»:
Ռուզան ՄԻՆԱՍՅԱՆ
Կարդացեք նաև
«Առավոտ» օրաթերթ
20.12.2024
