«Եթե մարդը ձեռք բերեց սխալ փաթեթ, 300 դրամն էլ կարող է գերազանցել»,- Sputnik Արմենիա մուլտիմեդիոն մամուլի կենտրոնում հրավիրված մամուլի ասուլիսի ժամանակ հայտարարեց «Իրազեկ և պաշտպանված սպառող» ՀԿ նախագահ Բաբկեն Պիպոյանը։
Ըստ նրա՝ ամենամեծ խնդիրներից մեկն այն է, որ պետք է հասնենք մեր քաղաքացիների տուն․ «Պիտի տեղեկացնենք․ մարդիկ չպիտի տրվեն քաղաքային իշխանությունների մանիպուլյացիոն թվերին, որովհետև, եթե մարդը ձեռք բերեց սխալ փաթեթ, ինքնարժեքը 300 դրամն էլ կարող է գերազանցել։ Եթե մարդը, օրինակ, գնել է ամսական փաթեթ, բայց օգտվել է 20-25 անգամ, 25 անգամ 300 դրամ, ստացվում է 7500 դրամ, ինքը վճարում է 8800 դրամ, սա բաժանած 20-ի, ստացվում է 440 դրամ։ Քաղաքային իշխանություններն անգամ վերին շեմ չեն տվել, որ այս հաշվարկից ելնելով՝ մնացածը տեղափոխվի։ Չեն տվել, որովհետև հենց այդ վերին շեմը տան, անուղղակիորեն խոստովանելու են մեկ ուղևորափոխադրման իրական գինը, թե որքան է կազմում մեկ ուղևորափոխադրումը մայրաքաղաքում»։
Տաթև ՀԱՐՈՒԹՅՈՒՆՅԱՆ
