Կառավարության այսօրվա նիստից հետո Կոտայքի մարզպետ Ահարոն Սահակյանը լրագրողների հետ ճեպազրույցում անդրադարձավ Կոտայքի մարզում ՊՎԾ իրականացրած ուսումնասիրություններին։
Հիշեցնենք, որ այդ ուսումնասիրությունների արդյունքում Կոտայքի մարզպետի աշխատակազմում արձանագրվել են շուրջ 1.07 մլրդ ՀՀ դրամի, իսկ Լոռու մարզպետի աշխատակազմում՝ շուրջ 600 մլն ՀՀ դրամի առերևույթ խախտումներ եւ անհամապատասխանություններ։
«Չարաշահում բառը ճիշտ չեք ասում, անճշտություններ են։ ՊՎԾ-ն հայտարարություն է տարածել, որ խախտումներ կան Կոտայքի մարզպետի աշխատակազմում՝ 1.07 մլրդ դրամի։ Մենք մեր պարզաբանումները տվել ենք, մենք համաձայն չենք այդ խախտումների հետ։ Հիմա գործն ուղարկվել է դատախազություն, սպասում ենք։ Դա չարաշահում չէ, ես վստահ եմ նաեւ, որ խախտումներ էլ չեն, քանի որ գործը գնացել է դատախազություն, ես ձեզ խնդում եմ՝ դուք էլ հետեւեք այդ իրադարձություններին, հասկանանք՝ արդյոք կան այդ խախտումները, թե՞ ոչ»,- ասաց մարզպետը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
