«Վերջերս Անվտանգության խորհրդի նիստում մենք քննարկեցինք եւ հավանություն տվեցինք բանակի կերպափոխման հայեցակարգին։ Կարծում եմ, որ, ընդհանուր առմամբ, պետք է կերպափոխվի ոչ միայն բանակը, այլեւ հանրության վերաբերմունքը բանակի նկատմամբ»,- կառավարության այսօրվա նիստում ասաց Նիկոլ Փաշինյանը։
Նա նշեց, որ խոսույթն իրականությունից շատ դեպքերում կտրված է։ «Կարծում եմ՝ բանակի ընկալումը շատ կողմերով ու շատ տեղերով պետք է կերպափոխվի, այդ թվում՝ բանակի ֆունկցիոնալ նշանակության առումով։ Եվ բանակը պետք է հստակ մեր քաղաքական եւ ռազմավարական ընկալումների շրջանակում տեղավորվի, այդ թվում՝ տարածաշրջանային իրադրության, այդ թվում՝ խաղաղության օրակարգի տրամաբանության մեջ պետք է տեղավորվի։ Մենք հստակ ասել ենք, որ ՀՀ միակ խնդիրը ՀՀ միջազգայնորեն ճանաչված տարածքային ամբողջականության պահպանումն է, իհարկե, նաեւ հարակից որոշակի իրադրության մեկնաբանություններով»,- հավելեց Փաշինյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
