Ermenihaber. Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն ելույթ է ունեցել Թուրքիա-Ադրբեջան ցամաքային տրանսպորտի համատեղ հանձնաժողովի նիստի ընթացքում։
Խոսելով երկու երկրների միջև իրականացվող փոխադրումների մասին` Ուրալօղլուն նշել է, որ արտահանման 81%-ն իրականցվում է ցամաքային ճանապարհով ու կողմերը կշարունակեն համատեղ ջանքեր գործադրել տրասնպորտային և առևտրի զարգացման ուղղությամբ։
Ըստ նախարարի՝ տարանցիկ անցագրային փաստաթղթերի քվոտան 35․000-ից հասցվել է 100․000-ի և նպատակ կա բարձրացնել ավտոմոբիլային տրանսպորտի արդյունավետությունը, թույլ տալ, որ առևտուրն արագանա։
Ուրալօղլուն նաև նշել է, որ Թուրքիան և Ադրբեջանը սկսել են կիրառել էլեկտրոնային անցագրեր։
