«Քաղաքապետարանը պետք է սուբսիդավորի տրանսպորտի սակագինը, սակագինը 100 դրամ պահելու հնարավորություն կա»,- Factor TV-ի ուղիղ եթերում Երեւանի քաղաքապետ Տիգրան Ավինյանի հետ բանավեճի ժամանակ ասաց «Նոր ուժ» կուսակցության նախագահ, Երեւանի նախկին քաղաքապետ Հայկ Մարությանը։
Սակագնի թանկացման դեպքում հավաքագրումներն աճելու են 5 մլրդ դրամով, բանավեճի ժամանակ ասել էր Տիգրան Ավինյանը։ Հայկ Մարությանն ասաց, որ ինքը ցույց կտա այն ճանապարհը, որի միջոցով հնարավոր է խուսափել սակագինը թանկացնելուց։
«2021 թվականին, երբ ես քաղաքապետ էի, գույքահարկի հավաքագրումը եղել է 6 մլրդ 475 մլն դրամ, իսկ շարժական գույքի համար՝ 12,8 մլրդ։ 2024-ին գույքահարկն արդեն 13 մլրդ դրամ է, իսկ շարժական գույքի համար՝ 13.2 մլրդ դրամ: Այսինքն՝ տարբերությունը 8 մլրդ դրամ է: Իսկ 2025-ին հավաքվելու է 14․92 մլրդ դրամ ավելի, 2026-ին՝ 20 մլրդ դրամ ավելի՝ քերելով ձեզանից: Դրա մեջ 4 հատ 5 մլրդ է տեղավորվում: Դրանով տրանսպորտը հանգիստ կարող է աշխատել 100 դրամով։ Այդ 5 մլրդ դրամի տեղը ես ցույց տվեցի»,- ասաց Հայկ Մարությանը։
Տիգրան Ավինյանն արձագանքեց․ «Երեւանի քաղաքապետարանը շարունակելու է սուբսիդավորել տրանսպորտը։ Մենք էս ժողովրդի թշնամին չենք, պարոն Մարության»։
Կարդացեք նաև
Ռոզա ՀՈՎՀԱՆՆԻՍՅԱՆ
