Անկախ պետութունների համագործակցության գերագույն դատարանների խորհրդի առաջին նիստն անցկացվել է Երևանում, որի նախագահությունը ստանձնել էր Հայաստանը։
Ողջույնի խոսքում ԲԴԽ նախագահ Արթուր Աթաբեկյանը նշել է, որ այս հանդիպումը Հայաստանում անցկացնելը մեծ պատիվ է և հնարավորություն ԱՊՀ պետությունների միջև իրավական համագործակցությանը նոր որակներ հաղորդելու և նոր ձեռքբերումներ գրանցելու համար:
«Այս հանդիպման ընձեռնած հնարավորությունից օգտվելով՝ ուզում եմ ընդգծել, որ այն անմիջական ներդրում կունենա ԱՊՀ պետությունների միջև համագործակցության պատմության մեջ, ինչպես նաև հիմք կհանդիսանա նոր փոխհարաբերությունների ձևավորման համար:
Կարդացեք նաև
Վստահ եմ, որ արդեն այս տարիների ընթացքում կազմավորված որոշակի փոխգործակցության ուղիները և ԱՊՀ մասնակից երկրների՝ տարբեր ոլորտներում ձեռք բերված լավագույն փորձն անհրաժեշտ և արդյունավետ կլինի նոր կառույցի ձևավորման համար:
Ողջունելով և բարձր գնահատելով այօրվա միջոցառումը՝ հույս ունեմ, որ այս նիստը հարթակ կհանդիսանա ԱՊՀ մասնակից երկրների գերագույն դատարանների նախագահների միջև բարյացակամ համագործակցության և պրոֆեսիոնալ քննարկման համար»,- իր խոսքում ընդգծել է ԲԴԽ նախագահ Արթուր Աթաբեկյանը:
Նիստը նախագահել է Վճռաբեկ դտարանի նախագահ Լիլիթ Թադևոսյանը, նիստին ներկա են եղել նաև Սահմանադրական դատարանի նախագահ Արման Դիլանյանը, դատական իշխանության ներկայացուցիչներ՝ Բարձրագույն դատական խորհրդի անդամներ, Վճռաբեկ դատարանի դատավորներ, Դատական դեպարտամենտի և Արդարադատության ակադեմիայի ղեկավար կազմի ներկայացուցիչներ։
Հայաստանի Հանրապետության դատական իշխանություն
