Թուրքիայի նախագահ Ռեջեփ Թայիփ Էրդողանը համատեղ մամուլի ասուլիս է տվել Եվրահանձնաժողովի նախագահ Ուրսուլա Ֆոն Դեր Լայենի հետ, հայտնում է Ermenihaber-ը:
Էրդողանն ընդգծել է, որ ԵՄ-ին անդամակցելը Թուրքիայի համար շարունակում է մնալ ռազմավարական նպատակ:
«Ակնհայտ է, որ մեր անդամակցությունը կարևոր ներդրում կունենա ինչպես մեր երկրի, այնպես էլ միության համար:
«Ոչ-ոքի» ձևաչափի և փոխադարձ հարգանքի հիման վրա կարող ենք շարունակել մեր համագործակցությունը»,-ասել է նա:
Կարդացեք նաև
Բացի այդ, Էրդողանն անդրադարձել է Թուրքիայի կողմից ահաբեկչական ճանաչված խմբավորումների դեմ պայքարին և համարել, թե Թուրքիան միակ պետությունն է, որը «Քուրդիստանի բանվորական կուսակցությանը» (PKK) և «Իսլամական պետությանը» (DEAŞ) պարտության է մատնել:
«Մենք կտրականապես թույլ չենք տալու, որ այս կազմակերպությունները ծաղկեն: Մեր տարածաշրջանի ապագայում ոչ «DEAŞ»-ի, ոչ «PKK»-ի և ոչ էլ դրանց մասունքների համար տեղ չկա», – հավելել է Թուրքիայի ղեկավարը:
«Թուրքիան այսօր» լրատվական ալիքը հայտնում է. Եվրոպական հանձնաժողովի նախագահ Ուրսուլա Ֆոն Դեր Լայենը Էրդողանի հետ հանդիպմանը հայտարարել է, որ ԵՄ-ն լրացուցիչ 1 միլիարդ եվրո կտրամադրի Թուրքիային՝ փախստականներին սեփական տարածքում պահելու համար։
