Civilnet. «Աջափնյակի» նոր կայարանի նախագծման մրցույթը հայտարարվել էր դեռ 2020թ.-ի հոկտեմբերին և մեկ տարի անց՝ 2021-ի հոկտեմբերին, նախկին քաղաքապետ Հայկ Մարությանը նախագծանախահաշվային փաստաթղթերի ձեռքբերման համար 1,8 մլրդ դրամի պայմանագիր էր կնքել ռուսական «Մետրոգիպրոտրանս» ՍՊԸ-ի հետ։
Երևանի քաղաքապետարանի՝ դեկտեմբերի 10-ին #CivilNetCheck-ին տրամադրած պատասխանից պարզ է դառնում, որ «Աջափնյակ» կայարանի կառուցման նախագծանախահաշվային փաստաթղթերը դեռ պետական փորձաքննության փուլում են, և շինարարությունը 2026-ից շուտ չի մեկնարկի։
Քաղաքապետարանից նշել են, որ 2025-ի պետական բյուջեում նախատեսվում է հատկացնել շուրջ 9,6 մլրդ դրամ (մոտ 24 մլն դոլար)՝ ծրագրի «նախապատրաստական աշխատանքների» իրականացման համար։
Ավելի վաղ՝ 2024-ի հուլիսի 1-ին, քաղաքապետարանի գործակարգավարական նիստում հայտնի էր դարձել, որ ծրագրվում է շինաշխատանքները ավարտել 2032-ին։
Կարդացեք նաև
Խոստումներ, խոստումներ, խոստումներ
Մետրոյի նոր կայարանների կառուցման խոստումների պատմությունը սկսվում է առնվազն 2007-ից։ Այն ժամանակվա քաղաքապետ Երվանդ Զախարյանը հայտարարում էր, որ առաջնահերթ կկառուցվեն «Բարեկամություն» կայարանից դեպի Աջափնյակ և Կոմիտասի փողոց տանող գծերը:
Չնայած քաղաքապետ Տիգրան Ավինյանը 2024-ի հունվարին ակնկալում էր նույն տարում սկսել և չորս տարում ավարտել «Աջափնյակ» կայարանի շինարարությունը, ներկայում որպես սկիզբ նշվում է 2026 թվականը։
Հայկ Հովհաննիսյան,
Նյութն ամբողջությամբ՝ սկզբնաղբյուր կայքում:
