«Մարդկանց կողմից բարձրաձայնվող հիմնական խնդիրը մնում է ավտոբուսների հաճախականությունը: Կան գծեր, որտեղ պարբերաբար գերծանրաբեռնվածություն ունենք, եւ մեր առաջնային խնդիրն է լուծել գերծանրաբեռնվածության հարցը»,-Երեւանի քաղաքապետարանի գործակարգավարական խորհրդակցության ժամանակ ասաց Երեւանի քաղաքապետ Տիգրան Ավինյանը:
«Ունենք թաղամասեր, որտեղ վատացել է իրավիճակը, մասնավորապես Նորագավիթում: Կարծում եմ, որ մեր հետագա քայլերը պետք է լինեն այն ուղղությամբ, որ նախ սկսենք լուծել ծայրահեղ ծանր գծերի հարցերը: Ճիշտ է, մենք ունենք ծրագիր՝ 171 նոր ավտոբուսների հետ կապված, ունենք փոխարինման խնդիր, մասնավոր 118 ավտոբուսները գրեթե շարքից դուրս են եկել… Կան թաղամասեր, որտեղ խնդիրը սուր է կանգնած, եւ այդ թաղամասերի խնդիրը լուծելու համար մի փոքր ավելի ջանք պետք գործադրենք»,-հավելեց նա:
Ի թիվս այլնի, Տիգրան Ավինյանն անդրադարձավ նաեւ դիսպետչերական կենտրոններին եւ վերահսկողությանը. «Ավանդութային, հին դիսպետչերական կետերը պետք է վերանան, որովհետեւ դրանք այլեւս չեն ծառայում իրենց նպատակին: Եթե մեր ավտոբուսների վրա դրված է GPS համակարգ, իսկ դա դրված է, ուրեմն պետք է այդ համակարգի վրա հենվել, եւ պետք է ընդամենը մեկ սենյակում՝ մեկ կենտրոնում հավաքված լինի ամբողջական տեղեկատվությունը, ու այդ կենտրոնում հավաքագրվի, վերահսկողությունն էլ իրականացվի այդ կենտրոնից»:
Մանրամասն տեսանյութում՝
Կարդացեք նաև
Գոհար ՀԱԿՈԲՅԱՆ
