«Այս ամբողջ ժամանակահատվածում, երբ ապրում ենք մեր քայքայված իրականության մեջ, որը պետք է շեշտեմ, որ մենք կոչել ենք անպատիվ ժամանակներ, ամենամեծ գայթակղությունը եղել է այն, որ այս չարիքի իշխանությունը փորձել է անընդհատ մարդկանց մեղսակից դարձնել իր չարիքի գործերին, անօրինության գործերին»,- այսօր ամենշաբաթյա իր պատգամում ընդգծեց «Սրբազան պայքար» շարժման առաջնորդ Բագրատ սրբազանը:
Նրա խոսքով, այսօր ամեն օր տեսնում ենք ստի ու պատրանքների հսկայածավալ քարոզչություն. «Տեսնում ենք՝ ինչպես մարդիկ փորձում են կրթվելու լույսի ներքո մարդկանց մտքերը գերեւարել, կալանել ու միաժամանակ մարդկանց կաշառել ՝ փորձելով սահմանափակումներ դնել մարդկանց մտածումների, ըմբռնումների մեջ: Այսինքն՝ ենթարկեցնել իրենց, դարձնել իրենց գերին: Ու զանազան անունների ներքո, մեկը խոսում է գնդակահարության պատի մասին, մյուսը՝ կրթվելու նորաձեւության, էդ նույն մեկը խոսում է կառավարական ամառանոցներում լույս, գազ չլինելու, խեղճ ու կրակ լինելու մասին: Այս չարիքը որեւէ կերպով պետական խորը, հայրենիքի վերականգնման, զարգացման ծրագիր, պատկեր չունի: Տեսնում ենք հալածանքներ արդեն սեփական թիմակիցների նկատմամբ»:
Նա, հղում տալով Աստվածաշնչին, ընդգծեց, որ չարի ժառանգությունը կործանարար է. «Չարը ժառանգություն չի ունենալու: Չարն ինքն իրեն է ի վերջո սպանելու ու այդ կործանումն այնպես է լինելու, որ ոչ մի հետագիծ էլ չի ունենալու» :
Կարդացեք նաև
Արփինե ՍԻՄՈՆՅԱՆ
