«Հայաստան-Թուրքիա հարաբերությունները սպառնալի՞ք են, թե՞ հնարավորություն, կախված է, թե որքանով ենք կարողանում բացառել հայոց պետականության եւ հայ ժողովրդի շահերը, լինելիությունն ու առաջընթացը վտանգող զիջումներն ու պաշտպանել մեր իրավունքները: Եթե դա կատարում ենք, դա իսկապես հնարավորություն է, եթե ոչ` լրջագույն սպառնալիք»,- այսօր «Հայաստան-Թուրքիա հարաբերություններ. սպառնալի՞ք, թե՞ հնարավորություն» թեմայով խորհրդաժողովի ժամանակ ասաց ԱԺ «Հայաստան» խմբակցության պատգամավոր, ՀՅԴ անդամ Արմեն Ռուստամյանը:
Նրա դիտարկմամբ՝ Թուրքիան ոչ այնքան շահագրգռված է Հայաստանի հետ հարաբերությունների կարգավորմամբ, որքան այդ գործընթացն իր ու Ադրբեջանի պահանջները բավարարելու համար օգտագործելու առումով. «Թուրքիան եւ Ադրբեջանը ՀՀ նկատմամբ վարում են ուժի կիրառման սպառնալիքի վրա կառուցված քաղաքականություն: Շուշիի հռչակագրով ամրագրված հակահայկական նպատակներին ու պանթուրանական ծրագրերին համահունչ»:
Նա նկատեց, որ թուրք-ադրբեջանական տանդեմն արդեն հասցրել է հայաթափել Արցախը, պատրաստում է հայ ժողովրդի հայրենազրկումն ու Հայաստանի թրքացումը. «Թրքացումը ինչ-որ գեղարվեստական արտահայտություն չէ, այլ կոնկրետ նշանակում է Թուրքիայից Հայաստանի քաղաքական, տնտեսական, անվտանգային ու բազմաբնույթ կախվածության վիճակ: Սա այն է, երբ Հայաստանը կենսական զիջումների արդյունքում վերածվում է իրավական առումով առերեւույթ գոյություն ունեցող, սակայն փաստացի Թուրքիայից լիովին կախյալ կցորդ միավորի, շատ բանով նման Աջարիային»:
Կարդացեք նաև
Արփինե ՍԻՄՈՆՅԱՆ
