«ՀՀ-ի դեմ նորից ցեղասպանության ռիսկ կա։ Ադրբեջանը միջազգային դատարաններում հայտարարում է, որ Հայաստան գոյություն չունի, դա «Արևմտյան Ադրբեջան է»,-«Ընդդեմ Ցեղասպանության Հանցագործության 5-րդ Գլոբալ Ֆորումի» ընթացքում հայտարարեց Միջազգային քրեական դատարանի առաջին գլխավոր դատախազ Լուիս Մորենո Օկամպոն։
Ըստ նրա՝ կարևոր էր, որ ՀՀ-ն վավերացրեց Հռոմի ստատուտը․ «Ալիևը գիտի, որ լինելու է Նեթանյահուից հետո հաջորդը։ Միջազգային իրավունքը կարող է լինել պաշտպանություն։ Հռոմի ստատուտի վավերացումը կարող է Հայաստանին օգնել դիմելու Միջազգային քրեական դատարան։ Սա կլինի ճնշում Ադրբեջանի վրա»։
Լուիս Մորենո Օկամպոն վստահեցրեց՝ միջազգային իրավունքը կարող է երաշխիք լինել ցեղասպանությունների կանխարգելման հարցում․ «Մենք պետք է քննարկենք, թե ինչ կարող ենք անել։ Իրոք ՀՀ-ի դեմ ցեղասպանության իրականացման ռիսկը կա․․․․Իսրայելը, որը տուժել է Հոլոքոստի պատճառով, զենքեր է տրամադրում Ադրբեջանին, որ նրանք հարձակվեն ՀՀ-ի վրա»։
Կարդացեք նաև
Տաթև ՀԱՐՈՒԹՅՈՒՆՅԱՆ
