Փրկարար ծառայությունը մի շարք ճանապարհներին սահմանել է հերթապահություն

Եղանակային գործոններով պայմանավորված՝ ՆԳՆ ՓԾ տնօրեն-ՆԳ նախարարի տեղակալ Կամո Ցուցուլյանի կարգադրությամբ Փրկարար ծառայության ստորաբաժանումները ս․թ. դեկտեմբերի 12-ից անցել են ուժեղացված ծառայության։

Հանրապետության մի շարք միջպետական և համայնքային ավտոճանապարհներին սահմանվել է հերթապահություն: Ձյան առատ տեղումների, ձնաբքի և մերկասառույցի պատճառով արգելափակման մեջ հայտնված վարորդներին և ուղևորներին օգնություն ցուցաբերելու և անվտանգությունն ապահովելու նպատակով տեղում շուրջօրյա աշխատանքներ են իրականացնում փրկարարները։ Սյունիքի և Վայոց ձորի մարզերի առավել խնդրահարույց հատվածներում ծավալվել են առաջնային օգնության ժամանակավոր հենակետեր։

Դեկտեմբերի 12-ին, ժամը 17։00-ից սկսած ՆԳՆ ՓԾ մարզային փրկարարական վարչությունների ճգնաժամային կառավարման կենտրոններ ահազանգեր են ստացվել ձյան առատ տեղումների հետևանքով տրանսպորտային միջոցների արգելափակումների վերաբերյալ։

Կարդացեք նաև

Քաղցրաշեն-Նարեկ ճանապարհին բախված մեքենաներից մեկում հրդեհ է բռնկվել. կան տուժածներ

• 17:36 13.12.2024

Լարսը փակ է բեռնատարների համար

• 17:00 13.12.2024

Կցորդիչով բեռնատարների համար Սարավան-«Զանգեր» ճանապարհը փակ է, Վարդենյաց լեռնանցքը՝ դժվարանացանելի՝ միայն անվաշղթաների կիրառման դեպքում  

• 10:12 13.12.2024

Հանրապետության ավտոճանապարհներին և առաջնային օգնության կետերում ՓԾ ստորաբաժանումների կողմից իրականացրած շրջայցերի և հերթապահությունների արդյունքում արգելափակումից դուրս է բերվել 105 տրանսպորտային միջոց և 230 քաղաքացու ցուցաբերվել է համապատասխան օգնություն:

Փրկարարական ծառայողները պատրաստ են իրականացնել իրենց առջև դրված առաջադրանքները։

ՀՀ ներքին գործերի նախարարության փրկարար ծառայություն