«Հաճախ պետությունները մինչև դիակները չեն տեսնում փողոցներում, չեն խոսում ցեղասպանության կանխարգելման մասին, չեն անդրադառնում այս ոճրագործությանը»,- «Ընդդեմ Ցեղասպանության Հանցագործության 5-րդ Գլոբալ Ֆորումի» ժամանակ նշեց իրավաբան, «Ցեղասպանության արձագանքման կոալիցիայի» համահիմնադիր Էվելինա Օչաբը։
Նա անդրադառնալով իր երկրի՝ Միացյալ Թագավորության փորձին, ասաց․ «ՄԹ կառավարության քաղաքականությունն այն է, որ կառավարությունը չի ճանաչի ցեղասպանությունը, քանի դեռ դատարանը չի սահմանում ցեղասպանության առկայությունը։ Օրինակ՝ եզդիների ցեղասպանության պարագայում կառավարությունը միայն անցյալ տարի ընդունեց ցեղասպանության փաստը, երբ արդեն դատարանի երեք վճիռ եղավ»։
Իրավաբանը շեշտեց՝ ցեղասպանությունները չպետք է կանխարգելել, երբ արդեն դիակները փողոցներում են, այլ պետք է կանխարգելել ցեղասպանության ռիսկերը։
Նա նաև մտահոգություն հայտնեց, որ ՌԴ-ն օգտագործում է արհեստական բանականությունը, ստեղծել է ցանցեր և արդյունաբերական մասշտաբով մոլորության ու ստի քայլեր է ձեռնարկում․ «Տեսնում ենք՝ ՌԴ-ն Ուկրաինայի դեմ պատերազմում ինչպես է շահարկում տեղեկատվությունը և տարածում առցանց ապատեղեկատվություն։ Սա, անշուշտ ներառում է արհեստական բանականության և դիփֆեյքի օգտագործումը։ ԵՄ խորհուրդը և ԵՄ-ն հետազոտություններ են իրականացնում հասկանալու են, թե ինչպես է այս ամենն օգտագործվում։ Բարձր հանձնակատար Բորելն ասում է, որ ապատեղեկատվությունը զենք է, որը վիրավորում ու սպանում է մարդուն, խաթարում մարդկանց կարողությունը հասկանալու, թե ինչ է տեղի ունենում»։
Կարդացեք նաև
Տաթև ՀԱՐՈՒԹՅՈՒՆՅԱՆ
