Reuters-ի աղբյուրները հայտնել են Ելիսեյան պալատում տեղի ունեցած զրույցի մասին
«Ամերիկայի ձայն». Դեկտեմբերի 7-ին Փարիզում հանդիպում է տեղի ունեցել ԱՄՆ նորընտիր նախագահ Դոնալդ Թրամփի, Ուկրաինայի նախագահ Վոլոդիմիր Զելենսկու և Ֆրանսիայի նախագահ Էմանուել Մակրոնի միջև: Թրամփը, Զելենսկին և Մակրոնը քննարկել են Ուկրաինայի դեմ Ռուսաստանի մղած պատերազմի դադարեցման խնդիրները։ Reuters-ի հետ կապնված յոթ իրազեկ աղբյուրներ նկարագրել են քննարկումների որոշ մանրամասներ:
Թրամփը, Զելենսկին և Մակրոնը, որոնք Ելիսեյան պալատում 35 րոպե խոսել են առանց իրենց օգնականների, խաղաղ կարգավորման կոնկրետ մանրամասներ չեն քննարկել, նշել են չորս աղբյուրները։ Այնուամենայնիվ, ըստ տեղեկությունների, նորընտիր նախագահ Թրամփը կրկնել է հրադադարի անհապաղ դադարեցման և պատերազմի հնարավորինս արագ ավարտին ուղղված բանակցությունների մեկնարկի անհրաժեշտությունը:
Թրամփը և նրան ուղեկցող պաշտոնյաները չեն նշել ռազմական գործողությունների հնարավոր ավարտի կոնկրետ մանրամասներ և չեն մեկնաբանել ուկրաինական կողմի խնդրանքները՝ խաղաղ կարգավորման շրջանակներում Ուկրաինային անվտանգության երաշխիքների տրամադրման համար։
Կարդացեք նաև
«Հանդիպման ընթացքում նշվել են մի քանի առանցքային կետեր, օրինակ՝ ասվել է, որ աշխարհին երաշխիքներ են պետք, քանի որ հրադադարը բավարար չէ: Պուտինը կարող է կրկին խախտել այն, ինչպես որ արել է նախկինում»,- նշել է Ուկրաինայում նախագահի աշխատակազմից աղբյուրը։ Պատասխանելով այս հայտարարության արձագանքի մասին հարցին՝ նա հավելել է. «(Թրամփը) մտածում է բոլոր մանրամասների մասին»։
Թրամփին մոտ կանգնած մի քանի աղբյուրներ ընդգծել են, որ նորընտիր նախագահի նպատակը անձնական փոխըմբռնման հասնելն է: Այս գործոնն առանցքային է նրա դիվանագիտական պրակտիկայում։
Զելենսկին և Մակրոնը զրույցի ընթացքում առանձնացրել են այն դժվարությունները, որոնք կսպառնան Կիևին Միացյալ Նահանգների աջակցության բացակայության դեպքում, նշել է ամերիկյան աղբյուրը։
Ըստ խնդրին ծանոթ երկու աղբյուրների,Մակրոնն ասել է, որ եթե Ուկրաինան պարտություն կրի, ԱՄՆ-ի մրցակիցները, այդ թվում՝ Չինաստանը, դա կընկալեն որպես Վաշինգտոնի թուլության նշան:
«Չկա այնպիսի սցենար, որում Ուկրաինան պարտվի, իսկ Ամերիկան՝ հաղթի»,- նշել է Ֆրանսիայի նախագահը։ «Աշխարհը հետևում է (թե ինչ է կատարվում):
Ինչպես նշել է ուկրաինական աղբյուրը, Զելենսկին համոզված է, որ միջազգային հարթակում Պուտինը վախենում է միայն Թրամփից և, հնարավոր է, Չինաստանից: Ըստ նրա, կայուն խաղաղության հասնելու համար Վաշինգտոնը պետք է «իրոք ուժեղ» լինի։
Ըստ չորս աղբյուրների, Մակրոնը հանդիպման ժամանակ հայտարարել է, որ եվրոպացիները շատ բան են արել Ուկրաինային աջակցելու համար, և որ իրենք պատրաստ են Միացյալ Նահանգների հետ հավասարաչափ կիսել անվտանգության ջանքերը:
Հիշեցնենք, որ Դոնալդ Թրամփը Ուկրաինայի և Ռուսաստանի հարցերով հատուկ բանագնացի պաշտոնում առաջադրել է Քիթ Քելլոգին։
«Շատ ուրախ եմ առաջադրել գեներալ Քիթ Քելլոգի թեկնածությունը որպես նախագահի օգնական և Ուկրաինայի և Ռուսաստանի հարցերով հատուկ բանագնաց: Քեյթն ունեցել է նշանավոր ռազմական և գործարար կարիերա, ներառյալ իմ առաջին վարչակազմում ազգային անվտանգության բարձր պատասխանատու պաշտոնների զբաղեցնումը: Նա ինձ հետ էր հենց սկզբից։ Միասին մենք ԱՇԽԱՐՀՆ ՈՒԺԵՂ ԴԻՐՔԻՑ կապահովենք և Ամերիկան և աշխարհը ԿՐԿԻՆ ԱՊԱՀՈՎ կդարձնենք»: – ասել է նորընտիր նախագահը նախկինում հրապարակված հայտարարության մեջ։
2024 թվականի հուլիսին «Ամերիկայի ձայնի» ուկրաինական ծառայությանը տված հարցազրույցում Քելլոգը նշել է, որ կարևոր է գտնել պատերազմը դադարեցնելու ճանապարհը:
