«Ես ՄԻՊ գործողություններում չեմ տեսել այնպիսի քայլեր, որոնք միտված կլինեն Հայաստանում մարդու իրավունքների պաշտպանությանը»,- այսօր «Քաղաքական իրավունքները եւ հետապնդումները Հայաստանում» թեմայով քննարկման ժամանակ լրագրողների հետ զրույցում ասաց ԱԺ «Հայաստան» խմբակցության պատգամավոր Էլինար Վարդանյանը՝ անդրադառնալով մարդու իրավունքների պաշտպանության օրվա առիթով ՀՀ ՄԻՊ Անահիտ Մանասյանի տարածած հայտարարությանը։
Էլինար Վարդանյանը ՀՀ ՄԻՊ-ին հիշեցնում է, որ երբ վերջերս Հրազդանում ոստիկանական բաժանմունքում արցախցուն խոշտանգել էին, նրա փաստաբանի դիմումը՝ ՄԻՊ գրասենյակին, մնացել էր անարձագանք։
Անդրադառնալով ՀՀ-ում մարդու իրավունքների վիճակին էլ Էլինար Վարդանյանն ասաց, որ ՀՀ իշխանություններն անտեսելու են միջազգային տարբեր հեղինակավոր կառույցների զեկույցները, քանի որ միջազգային որեւէ կառույցի կողմից իրենց նկատմամբ սահմանափակումներ կիրառելու մասին անգամ հրապարակային կոչեր չեն հնչում, ինչը այժմ Վրաստանում է կատարվում։
Էլինար Վարդանյանը հավելում է՝ նաեւ դատական իշխանությունն է քաղաքական իշխանությանը սատարում, ուստի քաղաքական իշխանությունը որեւէ կաշկանդվածություն չունի՝ իր իշխանությունը պահելու հարցում։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
