Հայաստանում ազատ հավաքների համար սահմանված կարգավորումները շատ լավն են, անգամ բավական առաջադեմ են շատ երկրներից, բայց հակառակն է դրա պրակտիկան․ այս մասին այսօր «Քաղաքական իրավունքների հայկական կենտրոնի» կազմակերպած «Քաղաքական իրավունքները եւ հետապնդումները Հայաստանում» թեմայով քննարկման ժամանակ կարծիք հայտնեց կենտրոնի փորձագետ Ռաֆայել Իշխանյանը։
Նրա դիտարկմամբ, քաղաքական սրացումների ժամանակ Հայաստանում հավաքների ազատության իրավունքի խախտումները սկսում են ուժեղանալ․ «Եթե դուք անում եք խաղաղ հավաք ՄԱԿ-ի գրասենյակի դիմաց՝ բավական անմեղ հարցով, խնդիր չկա, կաջակցենք, բայց եթե դուք հարց եք բարձրացնում, որ դուր չի գալիս, թե ինչ է անում իշխանությունը, այստեղ խնդիր ունեք»։
Բանախոսի դիտարկմամբ, ոստիկանական բռնությունները մշտապես կան ու մոտակա ժամանակահատվածում որեւէ ազդակ չկա, որ դրանք կդադարեն, քանի որ որեւէ ոստիկան մինչեւ հիմա որեւէ պատասխանատվության չի ենթարկվել ու օրինակները բազմաթիվ են՝ սկսած նրանից, որ մարդուն ծեծի են ենթարկում ոստիկանական պատի ետեւում, ինչի մասին տեսանյութերը կան։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
