ՀՀԿ երիտասարդական կազմակերպության նախագահ Հենրիխ Դանիելյանի ֆեյսբուքյան գրառումը
Աշխարհը վերադասավորվում է, և այդ վերադասավորման ժամանակահատվածում Հայաստանի իշխանության ղեկավար պետք է լինի այնպիսի մարդ, որը հասկանում է երկրի ճգնաժամային կառավարման նրբությունները, որն ունի դիվանագիտական, անվտանգային, ռազմաքաղաքակրթական և աշխարհաքաղաքական դաշտում ճիշտ մանևրելու և հարցերին լուծումներ տալու մեծ փորձ, ազգային պահպանողական մոտեցումներ ու հայրենասիրություն, ինչպես նաև պատրաստակամություն՝ կռիվ տալու Հայաստանի գոյության համար։
Հայաստանի այսօրվա կառավարիչները չեն կարողանում լուծել Երևանի տրանսպորտի և մետրոյի խնդիրները, և նրանց իշխանությունը Հայաստանը կարժանացնի Արցախի ճակատագրին՝ ասելով. «Ժողովուրդ ջան, հանգիստ եղեք, Շուշիի համար մարտերը շարունակվում են»։
Պետք է ազգային հռետորաբանություն, պետք է չպարտված հռետորաբանությամբ իշխանություն՝ հող ազատագրող, ոչ թե հող հանձնող։ Պետք է իշխանություն, որը կպաշտպանի ազգը, ոչ թե ազգին օգտագործի որպես վահան իր իշխանության համար։ Պետք է իշխանություն, որը մենք ունեցել ենք մինչև 2018 թվականի իշխանազավթումը։
Կարդացեք նաև
Հ.Գ. «Կամ բանակցում ենք, կամ կրակում ենք։ Երկու զարգացմանն էլ պատրաստ ենք». ՀՀ 3-րդ նախագահ Սերժ Սարգսյան
«Պետք չէ ռազմական գործողություններ սկսել, հետո բողոքել օկուպացիայից։ Հիմա էլ Ադրբեջանը սպառնում է ռազմական գործողություններ սկսել։ Վստահ եմ, որ եթե նման գործողություններ լինեն, մի քանի ամիս անց ադրբեջանցիները բողոքելու են ոչ թե 20, այլ 25-30%-ի մասին։ Պետք չէ ռազմական գործողություններ սկսել». ՀՀ 3-րդ նախագահ Սերժ Սարգսյան
«Այն, ինչ մենք ունենք, բավարար է՝ մեր հավակնոտ հակառակորդին կործանարար հարված հասցնելու համար». ՀՀ 3-րդ նախագահ Սերժ Սարգսյան
