ՀԱՊԿ խորհրդարանական վեհաժողովի խորհուրդը միջազգային հանրությանը կոչ է արել միջոցներ ձեռնարկել Սիրիայում իրավիճակի կայունացման համար, հայտնում է gazeta.ru-ն։
Մոսկվայում կայացած լիագումար նիստում ընդունված հայտարարության մեջ նշվում է, որ ՀԱՊԿ ԽՎ խորհրդի անդամները մտահոգված են «պաղեստինյան օկուպացված տարածքում և լիբանանա-իսրայելական սահմանային գոտում առճակատման աննախադեպ մակարդակով»։
«Մերձավոր Արևելքը կրկին հայտնվել է մեծ տարածաշրջանային պատերազմի շեմին։ Մենք կարծում ենք, որ ավելի քան մեկ տարի շարունակվող արյունահեղությունը պաղեստինա-իսրայելական հակամարտության գոտում պահանջում է վճռական և համախմբված պատասխան»,- նշվում է հայտարարության տեքստում։
