Վերլուծություններն ու դիտարկումները ցույց են տալիս, որ Ադրբեջանի ցանկություններում կա հաջորդ արարը, եւ այդ արարը որպես օբյեկտ ունի Հայաստանի Հանրապետությունը: Այս մասին «Շիրվանի, Գարդմանի եւ Նախիջեւանի հայությունը․ տեղաբնիկությունից մինչեւ փախստականություն» խորագրով գիտաժողովի ժամանակ ասաց ԵՊՀ պատմության ֆակուլտետի դեկան Մխիթար Գաբրիելյանը։
«Նման գիտաժողովներն ավելի ու ավելի կարեւորություն են ձեռք բերում այն պարզ պատճառով, որ ցավալիորեն ամեն օր, ամեն ժամ մենք ունենում ենք հերթական արձանագրումն առ այն, որ Ադրբեջանի ցեղասպան քաղաքականությունը, ինչ-որ մի կետից սկսվելով, ամենեւին կանգնելու, դադարի մտադրություն չունի։ Այն, ինչ տեղի է ունեցել, Շիրվանում, Նախիջեւանում, Գարդմանում, Արցախում, այսօր որպես շարունակություն ուրվագծվում է Հայաստանի Հանրապետության հանդեպ։ Անելով այն, ինչին կոչված էր Ադրբեջանը՝ որպես քաղաքական արհեստածին նախագիծ, 1991-1992 թվականների ընթացքում ավարտին հասցնելով իր տարածքի հայաթափման գործընթացը, հետագա երեք տասնամյակի ընթացքում հաջորդ արարը ցավալիորեն ավարտին հասցրեց, դա Արցախի բռնի հայաթափումն էր, որն այլ կերպ, քան որպես էթնիկ զտում եւ ցեղասպանություն, որակել հնարավոր չէ։ Վերլուծություններն ու դիտարկումները ցույց են տալիս, որ Ադրբեջանի ցանկություններում կա հաջորդ արարը, եւ այդ արարը որպես օբյեկտ ունի Հայաստանի Հանրապետությունը»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
