«Երեկ վարչապետն ասաց՝ ոնց է տեղի ունեցել»,- խորհրդարանում լրագրողների հետ զրույցում ասաց ՔՊ խմբակցության պատգամավոր Գագիկ Մելքոնյանը։
Հարցն այսպես էր հնչել՝ նորմա՞լ է համարում ինքը, որ ՔՊ վարչության նիստում հրապարակվել եւ քննարկվել են Հովիկ Աղազարյանի անձնական տեղեկությունները։
«Ես մտավախություն չունեմ»,- սա էլ Գագիկ Մելքոնյանի պատասխանն էր հարցին՝ մտավախություն ունի՞, որ մի օր էլ իր հեռախոսը «կքրքրեն»։ Նա համաձայն չէ, որ այսպիսով բոլորը դառնում են խոցելի, քանի որ ապահովագրված չեն, որ մի օր էլ իրենց հեռախոսները կարող են ուսումնասիրվել, որտեղ հաստատ խոցելի մի բան կգտնվի։ «Չէ, արդեն բան եք անում, էտենց բան չկա»,- հակադարձեց Գագիկ Մելքոնյանը՝ հավաստիացնելով, որ ՔՊ-ում վախի մթնոլորտ չկա։
«Դուք մի վախեցեք, մնացածը՝ սաղ լավ է»,- լրագրողներին դիմեց իշխանական պատգամավորը։
Կարդացեք նաև
Լրագրողների տարբեր հարցերին էլ ի պատասխան, Գագիկ Մելքոնյանն ասաց՝ պետական որոշակի գաղտնիքների տիրապետում է ու լավ գիտի, որ դրանք հրապարակման ենթակա չեն։
Հիշեցնենք, ՔՊ վարչությունը որոշել է Հովիկ Աղազարյանին հեռացնել ՔՊ-ից։ «Վարչության որոշմամբ Հովիկ Աղազարյանը հեռացվել է «Քաղաքացիական պայմանագիր» կուսակցությունից՝ պետական եւ կուսակցական նշանակության կոնֆիդենցիալ տեղեկատվության արտահոսքերի, ինչպես նաև հանրության բարոյական նորմերի կոպիտ խախտումների պատճառով»,- ասված է ՔՊ վարչության որոշման մեջ։ Հովիկ Աղազարյանն էլ երեկ ասաց, որ իր հեռախոսից անձնական բնույթի տեղեկություններ են հայտնվել վարչապետի սեղանին։
Նելլի ԳՐԻԳՈՐՅԱՆ
