«Ապառաժ». Միջազգային հանրությունը պետք է գործի, վերջ տա այս վայրագություններին, անպատժելիությանը եւ կանգնի արդարության կողմնակից:
Մարդու իրավունքների միջազգային գործընկերության (IPHR) նոր զեկույցը մերկացնում է ադրբեջանական ռեժիմի կողմից Արցախում էթնիկ զտումների միտումնավոր արշավը: Ադրբեջանը համակարգված բռնության, վախեցման եւ զրկանքների միջոցով ստիպեց ավելի քան 100,000 էթնիկ հայերի իրենց նախնյաց օջախներից՝ ջնջելով դարավոր մշակութային ժառանգությունը այդ գործընթացում: Զեկույցը փաստագրում է հայերի առջեւ ծառացած դաժան իրականությունը՝ կանոնավոր հարձակումներ, հիմնական իրավունքների ժխտում եւ հարկադիր տեղահանություն, ապացուցում է, որ այդ գործողություններն՝ Արցախն իր բնիկ հայ բնակչությունից դատարկելու հաշվարկված ռազմավարության մաս են:
Սա միայն տարածաշրջանային խնդիր չէ, սա մարդու իրավունքների կոպիտ խախտում է, որը պահանջում է գլոբալ հաշվետվողականություն: Միջազգային հանրությունը պետք է գործի, որպեսզի վերջ տա այս վայրագություններին, անպատժելիությանը եւ կանգնի արդարության կողմնակից:
Զեկույցն ամբողջությամբ կարդացեք IPHR-ի կայքում:
