Հայաստանի առաջատար շախմատիստները մրցաշրջան 2024-ի վերջին օրերին հանդես են գալիս տարբեր երկրներում անցկացվող միջազգային մրցաշարերում:
Քաթարում մեկնարկած Qatar Masters Open 2024-ի առաջին տուրում գրոսմայստերներ Հայկ Մարտիրոսյանը, Շանթ Սարգսյանը եւ Տիգրան Հարությունյանը հաղթանակ են տարել, իսկ Մանուել Պետրոսյանը իր պարտիան ավարտել է ոչ-ոքի:
Սենթ Լուիսում ընթանում է 2024 Saint Louis Masters-ը: Այստեղ կայացել է երկու տուր:
Կարդացեք նաև
Հայաստանը ներկայացնող գրոսմայստեր Արամ Հակոբյանը առավելության է հասել մրցակիցների նկատմամբ եւ 2,0 միավորով եւս երեք գրոսմայստերների հետ, այդ թվում՝ Ֆաբիանո Կարուանայի, գլխավորում է մրցաշարային աղյուսակը: Գրոսմայստեր Արման Միքայելյանը տարել է մեկ հաղթանակ եւ մեկ պարտիա ավարտել է ոչ-ոքի, իսկ Աննա Սարգսյանը, ցավոք, դեռ միավոր չունի:
Սենթ Լուիսի մրցաշարում հանդես են գալիս նաեւ ԱՄՆ-ում բնակվող մեր հայրենակիցները: Մասնավորապես, Սամուել Սեւյանը ունի 1,5, Տաթեւ Աբրահամյանը՝ 1,0, միջազգային վարպետ Քըրք Ղազարյանը՝ 0,5 միավոր:
Աշոտ ՀԱԿՈԲՅԱՆ
