ԱԺ նստաշրջանում ընդունվեց Հարկային օրենսգրքում փոփոխություններ եւ լրացումներ կատարելու մասին օրենքի նախագիծը։
ՔՊ խմբակցության պատգամավոր Բաբկեն Թունյանն իր ելույթում ասել էր, որ քննարկումների արդյունքում որոշվել է՝ ԱԱՀ դաշտ կտեղափոխվեն միայն հաշվապահական, իրավաբանական ծառայություններ մատուցողները եւ ֆինանսական խորհրդատվություն մատուցողները։ Մասնագիտական մյուս ոլորտներում գործունեություն ծավալողները ԱԱՀ դաշտ չեն մտնի, այսինքն՝ խոսքը չի վերաբերում 13 հազար տնտեսվարողների հարկերի բարձրացմանը։
Մանրամասները՝ տեսանյութում
Կարդացեք նաև
«Հայաստան» խմբակցության պատգամավոր Արծվիկ Մինասյանն ասաց․ «Ճիշտ է ասում պարոն Թունյանը, խոսքը չի գնում 13 հազար տնտեսվարողի մասին, այս շղթան վերաբերում է 50 հազարից ավելիին։ Իրականում խոսքը գնում է հարկային համակարգը աղավաղելու եւ փոքր ու միջին տնտեսվարող սուբյեկտների՝ հարկման առումով հերն անիծելու մասին»։
Նա նշեց, որ տնտեսվարողների շահերը ներկայացնող ընկերությունների ներկայացրած առաջարկությունները հաշվի առնելու փոխարեն` իշխանություններն այլ ճանապարհով են գնում։ Սա չհիմնավորված հարկային բեռ է, որն, ըստ Մինասյանի, բերելու է Հայաստանի տնտեսության մեջ փոքր ու միջին բիզնեսի նկատմամբ նոր ճնշումների, ավելի մեծ բացասական ազդեցության։
«Հայաստան» խմբակցության պատգամավոր Արթուր Խաչատրյանն էլ ասաց․ «Ամբողջ փոքր ու միջին ձեռնարկատիրությանը հարված եք հասցնում։ Բոլոր հարկային չակերտավոր բարեփոխումները, որոնք այս կառավարությունն առաջարկում է, հարվածում են փոքր ձեռնարկատերերին։ Ակնհայտ է, չէ՞, որ եթե դուք փոքր հաշվապահական ընկերությանը մտցնում եք ԱԱՀ դաշտ, ինչ է տեղի ունենալու, դուրս են մղվելու, շուկայի այդ բաժինը գնալու է խոշորներին»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
