Նախարարի հրամանի գործը վարչական դատարանը վերահասցեագրել է քաղաքացիական դատարանին

2024 թվականի սեպտեմբերի 30-ին Ռաֆայել Սեփխանյանը հայցադիմում է ներկայացրել ՀՀ վարչական դատարան՝ ընդդեմ ՀՀ կրթության, գիտության, մշակույթի եւ սպորտի նախարարության, երրորդ անձ՝ Երեւանի Ն. Աճեմյանի անվան տարածաշրջանային թիվ 2 պետական քոլեջ ՊՈԱԿ-ի՝ խնդրելով անվավեր ճանաչել նախարարի 09.09.2024թ. թիվ 178-Ա/1 հրամանը: Վարչական գործը մակագրվել է նույն դատարանի դատավոր Կարեն Զարիկյանին։

2024 թ. հոկտեմբերի 9-ին ՀՀ վարչական դատարանի դատավոր Կարեն Զարիկյանը «Պահանջն ըստ ընդդատության վերահասցեագրելու մասին» որոշում է կայացրել, որով Ռ. Սեփխանյանի պահանջն ընդդեմ ԿԳՍՄ նախարարի 09.09.2024թ. թիվ 178-Ա/1 հրամանն անվավեր ճանաչելու պահանջի մասին, վերահասցեագրվել է Երեւան քաղաքի առաջին ատյանի ընդհանուր իրավասության (քաղաքացիական մասնագիտացում) դատարանին: Այն մակագրվել է Երեւան քաղաքի առաջին ատյանի ընդհանուր իրավասության քաղաքացիական դատարանի դատավոր Գ. Վարդանյանին։

Սակայն հոկտեմբերի 22-ին դատավոր Գ. Վարդանյանի որոշմամբ հայցադիմումը վերադարձվել է: Թերությունները վերացվելուց հետո, այն կրկին ներկայացվել է դատարան, այդ ժամանակ գործը մակագրվել է Երեւան քաղաքի քաղաքացիական դատարանի դատավոր Ա.Օհանյանին։ Նախնական դատական նիստի օրը դեռ որոշված չէ:

Ռուզան ՄԻՆԱՍՅԱՆ

Կարդացեք նաև

«9 տարի տևած դատական գործընթացից հետո մեծ մասամբ բավարարվեց Ամուլսարում ոսկու հանք շահագործելու ծրագրի վերաբերյալ քաղաքացիների բողոքը»

• 10:14 04.12.2024

«Ո՞ր քարտեզներից եք օգտվել, արդյոք ունեցե՞լ են ծածկագրեր»

• 13:30 06.06.2024

«Սպուտնիկ Արմենիան» դատարանից պահանջում է անվավեր ճանաչել ՀՌՀ որոշումը

• 23:35 22.01.2024

«Առավոտ» օրաթերթ
03.12.2024