«Եկեք խոստովանենք ի վերջո, որ արտագաղթի պատճառները 90 տոկոսով կապված են մեր վարած տարածաշրջանային քաղաքականության հետ։ Արտագաղթի պատճառը մեր կոնֆլիկտային հարաբերություններն են մեր միջավայրի հետ»,- ԱԺ հերթական նստաշրջանում 2025 թվականի պետական բյուջեի նախագծի քննարկման ժամանակ ասաց վարչապետ Նիկոլ Փաշինյանը։
Նա նշեց, որ սոցիալական բարդությունների մեծ մասը եւս կապված է կոնֆլիկտային միջավայրի հետ։ Արդարության պակասը նույնպես կապված է կոնֆլիկտային միջավայրի հետ։ «Դրա մասին խոսել ընդունված չէ, մենք չենք խոսել այդ կոնֆլիկտային միջավայրում իրենց վրա շատ մեծ պատասխանատվություն վերցրած մարդկանց ներհայաստանյան պահվածքի, քաղաքացիական կարգավիճակի մասին։ Ես չեմ թիրախավորում ոչ մեկին, բայց մենք պետք է իրար աչքերի մեջ նայենք։ Ասում եք՝ հերոսներին վարկաբեկում եք, ես էլ ասում եմ՝ ո՞ր հերոսներին, որ ավտոմատով մտնում էին, ասում էին՝ դավայ ստեղից, սա քոնը չէ այլեւս։ Մենք պետք է խոստովանենք, թե այս իրավիճակի պատճառով ՀՀ քանի քաղաքացի է թողել գնացել՝ ասելով, որ այս երկրում արդարություն ու ապագա չկա»,- ասաց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
