Կանադան պատժամիջոցներ կսահմանի Վրաստանում մարդու իրավունքների խախտումների կամ կոռուպցիայի մեջ ներգրավված անձանց և բիզնեսների նկատմամբ, հայտարարել է Կանադայի արտաքին գործերի նախարար Մելանի Ժոլին։
«Կանադան համերաշխ է վրաց ժողովրդի հետ։ Մենք շատ մտահոգ ենք այն ամենով, ինչ Ռուսաստանն է փորձում իրականացնել Վրաստանում։ Հետևաբար, մենք պատժամիջոցներ կսահմանենք ոչ միայն անձանց, այլև բիզնեսների վրա, որոնք ներգրավված են մարդու իրավունքների խախտումների կամ կոռուպցիայի մեջ։ Կհետևենք մեր պատժամիջոցային սկզունքներին։ Այս հարցով ես ավելի մանրամասն կխոսեմ առաջիկա օրերին»։
Կարդացեք նաև
Ժոլին այս մասին հայտնել է Էստոնիայի, Լիտվայի և Լատվիայի իր պաշտոնակիցների հետ Ռիգայում կայացած համատեղ մամուլի ասուլիսի ընթացքում։
Երեք բալթյան պետությունները նույնպես պատժամիջոցներ են կիրառելու Վրաստանի իշխանության ներկայացուցիչների նկատմամբ։
Արսեն ԱՅՎԱԶՅԱՆ
