«Հունիսի 12-ի» գործով պաշտպաններից Ռուբեն Մելիքյանը խնդիր չի համարում այն, որ այսօր դատարանը, այն էլ որեւէ հիմնավորում չներկայացնելով, «Տավուշը հանուն հայրենիքի» շարժումը եւ նրա առաջնորդ Բագրատ սրբազանին տուժող չճանաչեց: Դատարանի բակում, լրագրողների հետ ճեպազրույցում, Ռուբեն Մելիքյանն այս առիթով ասաց. «Խնդիրն այն է, որ նախաքննության ընթացքում չի ճանաչվել. նախնական մարմինը օբյեկտիվ քննություն պետք է իրականացներ եւ բոլոր նրանք, ովքեր տուժել են, պետք է տուժող ճանաչվեին: Բոլոր ոստիկանները, ովքեր գնացել եւ ասել են՝ մեջքս է ցավում, ճանաչվել են: Իրոք վնասվածքներ ստացածներ կան՝ 1-2 հոգի՝ տասնքանիսից, բայց քաղաքացիները, ովքեր որ վնասվածքներ են ստացել՝ չեն ճանաչվել, կամ էլ շարժումը՝ տուժող չի ճանաչվել»:
Հիշեցնենք, այսօր մեղադրող դատախազները ներկայացրեցին մեղադրանքները, մեղադրյալները հայտարարեցին, որ չեն ընդունում մեղադրանքը՝ «խուլիգանություն» կամ «զանգվածային անկարգություններ»՝ որոշ դեպքերում փաստական հանգամանքները չվիճարկելով: Հիշեցնենք նաեւ, որ պաշտպանական կողմի դիրքորոշումն այն է, որ մեղադրյալների գործողություններում հանցակազմ չկա, քանի որ հասարակական կարգի օբյեկտիվ բացակայությունն է ակնհայտ, նաեւ՝ այդ գործողությունները հետեւանք չեն առաջացրել:
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
