«Եթե իրավիճակը լիներ այնպիսին, որ լիներ որևէ անձ, որն ունենար լեգիտիմ իրավունք իրականացնել պաշտոնակատարի գործառույթները, այս նախագծի կարիքը չէր առաջանա»,-լրագրողների հետ ճեպազրույցում անդրադառնալով Գյումրիում ստեղծված իրավիճակին՝ ասաց ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը։
Նա նշեց՝ Գյումրիում առաջացել է իրավական վակուում․ «Այդ իրավական վակուումը իշխանությունը պետք է շատ արագ համալրի, փակի։ Այդ իրավական վակուումի փակմանն է ուղղված այս նախագիծը։ Երբ արդեն իսկ ավագանին ցրված է կամ լիազորությունները վաղաժամ դադարեցվում են, և այդ դադարեցման պահին չկա որևէ անձ, որը լեգիտիմ եղանակով կարող է հանդիսանալ կամ դիտարկվել՝ որպես համայնքի ղեկավարի պաշտոնակատար, տվյալ պարագայում համապատասխանաբար գյուղական վայրերը ներառող վայրերում մարզպետներն են նշանակում կատարողը, իսկ այլ պարագայում վարչապետն է նշանակում կատարողը։ Նշանակումը ժամանակավոր է․ մինչև նոր ավագանու ձևավորմանն է վերաբերում»։
Խոսելով ժամկետների մասին՝ Վլադիմիր Վարդանյանն ասաց․ «Նախատեսվում է արտահերթ նիստով քննարկել այդ հարցը, նախագիծը դրել ենք շրջանառության մեջ։ Նիստը կհրավիրվի լիագումար նիստերի ավարտից հետո, և այս կարգավորումը հնարավորինս արագ է պետք ընդունել, քանի որ իրոք այդ վակուումը պետք է փակվի»։
Կարդացեք նաև
Տաթև ՀԱՐՈՒԹՅՈՒՆՅԱՆ
