«Արդեն իսկ վերգետնյա շարժակազմում, այսինքն՝ «Երեւան ավտոբուս» ՓԲԸ-ի բոլոր ավտոբուսներում եւ միկրոավտոբուսներում այսօրվանից հնարավոր է վճարումն իրականացնել ՀՀ բանկերի կողմից թողարկված ֆիզիկական բանկային քարտերի միջոցով: Այս գործարքները միջնորդավճար չեն ենթադրում, այսինքն` ծրագիրը իրականացնող կազմակերպության՝ «Թել-Սելի» կողմից են միջնորդավճարները վճարվում»,- Երեւանի քաղաքապետարանի գործակարգավարական խորհրդակցության ժամանակ ասաց Երեւանի քաղաքապետի տեղակալ Սուրեն Գրիգորյանը:
«Ամեն դեպքում՝ կհորդորեմ քաղաքացիներին, որ եթե վստահ չեն, որ ամբողջությամբ գիտեն իրենց եւ բանկի միջեւ պայմանները, մեկ անգամ էլ լրացուցիչ ճշտում կատարեն կոնկրետ իրենց քարտի թողարկման պայմանների մասով, որպեսզի վստահ լինեն, որ ինչ-որ լրացուցիչ վճարներ գանձման ենթակա չեն»,- հավելեց նա:
Ապա ընդգծեց. «Եթե այս գործարկումից հետո ինչ-որ խնդիրներ ի հայտ գան, քաղաքացիներին խնդրում ենք անպայման հայտնել դրանց մասին, որպեսզի տրվի շուտափույթ լուծում: Նախատեսում ենք նաեւ նման վճարման հնարավորություն նախատեսել մետրոպոլիտենում»:
Կարդացեք նաև
Գոհար ՀԱԿՈԲՅԱՆ
